Հուլիսի 29-ին խոշոր ավտովթար է տեղի ունեցել Լոռու մարզում: Ժամը 15:00-ի սահմաններում Վանաձոր-Ալավերդի ավտոճանապարհի 9-րդ կմ հատվածում բախվել են Լոռու մարզի բնակիչներ 87-ամյա Արտուշ Ա.-ի վարած «ՎԱԶ 2106» մակնիշի և 60-ամյա Կորյուն Մ.-ի վարած «Mercedes ML» մակնիշի ավտոմեքենաները:

Ինչպես հայտնում է ֆոտոլրագրող Գագիկ Շամշյանը, վթարի հետևանքով «06»-ի վարորդն ու նրա ուղևոր, ՌԴ քաղաքացի 63-ամյա Մարիետա Ա.-ն մարմնական վնասվածքներով տեղափոխվել են «Վանաձոր» բժշկական կենտրոն:

Վթարի փաստով քննչական վարչությունում նախաձեռնվել է քրեական վարույթ: