Բժիշկը զգուշացրել է խանութներից ու սրճարաններից պատրաստի սննդի վտանգավորության մասին
Խանութներից պատրաստված մթերքների օգտագործումը կարող է հանգեցնել առողջական լուրջ խնդիրների։ Նման արտադրանքը կարող է հրահրել շաքարախտի, գիրության և հոդատապի զարգացումը։ Այս մասին ասել է սննդաբան Անտոն Պոլյակովը։
«Առաջինը՝ ավելորդ քաշն է կամ գիրությունը։ Երկրորդ, շաքարախտը, քանի որ պատրաստի կերակուրների մեծ մասը պարունակում է հսկայական քանակությամբ արագ ածխաջրեր: Մարդիկ, ովքեր աշխատում են գրասենյակում կամ հեռակա կարգով, որպես կանոն քիչ են շարժվում։ Նրանք ժամանակ չունեն այս ածխաջրերն այրելու համար»,- ասել է Անտոն Պոլյակովը «Ридус»-ի հետ զրույցում։
Նա նշել է, որ պատրաստի սնունդը կարող է նաև լեղաքարային հիվանդություն առաջացնել։ Սա, իր հերթին, կարող է հանգեցնել միզաթթվի մակարդակի բարձրացման, ինչը, ի վերջո, սպառնում է հոդատապով:
Պոլյակովի խոսքով՝ պատրաստի սննդի շուկան չի առաջարկում ամենաառողջ սնունդը՝ պիցցա, շաուրմա, համբուրգեր, խինկալի և խաչապուրի։
