Կատարի Դոհայում տեղի է ունեցել ՀԱՄԱՍ-ի քաղբյուրոյի սպանված ղեկավար Իսմայիլ Հանիեի հուղարկավորության արարողությունը։
Հանիեին հրաժեշտ են տվել՝ վանկարկելով դիմադրության և ՀԱՄԱՍ-ի աջակցության կարգախոսներ։
Հանիեի որդին և Իրանի հոգևոր առաջնորդը Թեհրանում մասնակցել են պաշտոնյայի հուղարկավորությանը։
Չորեքշաբթի վաղ առավոտյան Թեհրանում սպանվել էր ՀԱՄԱՍ շարժման քաղաքական բյուրոյի ղեկավար Իսմայիլ Հանիան։
Իսլամական հեղափոխության պահապանների կորպուսը (ԻՀՊԿ) հայտնել էր, որ քաղաքական գործիչն ու նրա թիկնապահներից մեկը սպանվել են Թեհրանում իրենց կեցության վայրի վրա հարձակումից հետո: Հանիան սպանվել է Իրանի նոր նախագահ Մասուդ Փեզեշկիանի երդմնակալության արարողությանը մասնակցելուց հետո։
Արաբական լրատվամիջոցները հաղորդել էին, որ Հանիան զոհվել է Երևանի ժամանակով մոտ 2:30-ին հրթիռային հարվածի հետևանքով։ Կեցավայրի վրա հրթիռը, ըստ տեղեկությունների, ուղարկվել էր Իրանի տարածքից դուրս վայրից։
Կադրերն այստեղ