Իրանի արտաքին գործերի նախարար Աբբաս Արաղչին Օմանում ԱՄՆ նախագահի հատուկ բանագնաց Սթիվ Վիտկոֆֆի հետ անուղղակի բանակցությունների ժամանակ ասել է, որ Թեհրանը չի սահմանափակի իր միջուկային ծրագիրը, գրել է «Tehran Times» թերթը։

Արաղչին ասել է, որ Իրանը պատրաստ է Ատոմային էներգիայի միջազգային գործակալությանը (ՄԱԳԱՏԷ) հասանելիություն տրամադրել միջուկային օբյեկտներին։

Օմանում իրանական պատվիրակության հաղորդագրություններում նշվել էր, որ բանակցությունները շարունակելու համար անհրաժեշտ է Թեհրանի և Վաշինգտոնի միջև ընդհանուր շրջանակային համաձայնության հասնել։

Ապրիլի 12-ին Օմանում տեղի էին ունեցել Իրանի և ԱՄՆ-ի անուղղակի բանակցությունները։ Հանդիպումը տեւել էր ավելի քան երկու ժամ։