Թուրքիային ուղարկված աջակցությունը ոչ թե մարդասիրական ժեստ էր, որ իրականացրին ՀՀ իշխանությունները, այլ՝ քաղաքական քայլ էր. սա է այս իշխանությունների քաղաքական կուրսը։ Այդ մասին այսօր հրավիրված ասուլիսում ասաց քաղտեխնոլոգ Վիդգեն Հակոբյանը։
Նրա խոսքով՝ սա քայլ է, որով իշխանությունը փորձում է տարածաշրջան նոր խաղացողների բերել, և խոսքն ամենևին էլ Արևմուտքի մասին չէ․ հենց Թուրքիային են փորձում բերել։
«Կարծում եմ՝ Նիկոլ Փաշինյանի պատկերացումները մեծ քաղաքականության մասին առավել քան պրիմիտիվ են, քանի որ տվյալ պարագայում Նիկոլ Փաշինյանն ուղղակի փորձում է մարդասիրական ժեստի անվան տակ քաղաքական ժեստ իբր անել, փորձել Էրդողանի հետ խոսելու առիթ ստեղծել։ Իբր այդ ձևով էլ փորձում է զսպել այստեղ տեղի ունեցող իրողությունները։ Կարծում եմ՝ Նիկոլ Փաշինյանին թվում է, որ նման քայլերով և մարդասիրական օգնություն ցուցաբերելով կարող է առանձնակի հարաբերություններ ստեղծել Էրդողանի հետ։ Իբր Ադրբեջանի հետ չկապված հարաբերություններ է ուզում նա»,- նշեց Հակոբյանը։
Նրա դիտարկմամբ՝ պետք է հստակ հասկանալ՝ այս ձևով Փաշինյանը խնդրում է Էրդողանին, որ փրկի իրեն։
Մանրամասները՝ տեսանյութում։