Մամիկոն Ասլանյանի շնորհավորական ուղերձը՝ Երեխաների պաշտպանության միջազգային օրվա առթիվ.
«Սիրելի՛ երեխաներ և ծնողներ,
Շնորհավորում եմ ձեզ Երեխաների պաշտպանության միջազգային օրվա առթիվ։
Երեխաները մեր ապագայի, մեր հարատևության երաշխավորներն են։ Նրանց կյանքը երջանիկ ու անհոգ դարձնելը մեր ամենօրյա ջանքերից է կախված։ Մեր կյանքն իմաստավորվում է երեխաների ծնունդով և ձեռք բերում նոր գույն ու խորհուրդ։
Երեխաների կրթությունն ու դաստիարակությունը պետք է լինեն ամենօրյա հոգածության առարկա։ Մենք պարտավոր ենք լինել ամուր հենարան և տալ թևեր՝ թռիչքի համար:
Այս գեղեցիկ տոնն առաջին հերթին բոլորիս հիշեցնում է երեխաների պաշտպանության ոլորտում առկա անելիքների մասին: Առանձնահատուկ ջերմության, սիրո և աջակցության կարիք ունեն հատկապես սոցիալապես անապահով և հատուկ հաստատություններում գտնվող մեր փոքրիկները։ Մենք պետք է քաջ գիտակցենք, որ մեր հայրենիքի ապագայի պաշտպանությունը կախված է երեխաների պաշտպանությունից, նրանց որակյալ և ազգահեն կրթությունից, էթնոդաստիարակության լավագույն ավանդույթների վերականգնումից: Հայրենիքի փրկության երաշխավորը նրանով սնուցված սերունդներն են:
Հանուն երեխաների պարտավոր ենք ունենալ ավելի լավ երկիր:
Թանկագի՛ն փոքրիկներ, կրկին շնորհավորում եմ, խաղաղ երկինք և հարթ ճանապարհ եմ մաղթում։ Ապրեք առողջ ու երջանիկ։ Թող ձեր այտերին մշտապես փայլի լուսավոր ժպիտը։