ԱՄՆ պետքարտուղար Էնթոնի Բլինկենը հայտարարել է, որ Չինաստանի զորավարժությունները անհամաչափ են ԱՄՆ Ներկայացուցիչների պալատի խոսնակ Նենսի Փելոսիի Թայվան կատարած «խաղաղ այցին». այդ մասին նա ասել է օգոստոսի 6-ին Ֆիլիպիններում ելույթի ժամանակ։
Չինաստանի հետ Թայվանի տարաձայնությունները պետք է լուծվեն խաղաղ ճանապարհով, ասել է Բլինկենը։
Ինչպես ավելի վաղ հայտնել էինք, ԱՄՆ Ներկայացուցիչների պալատի խոսնակ Նենսի Փելոսին Թայվան էր ժամանել օգոստոսի 2-ին, իսկ կղզին լքել՝ օգոստոսի 3-ին։ Պեկինը խստորեն դատապարտել է այդ այցը:
Օգոստոսի 4-ին Չինաստանի Ժողովրդա-ազատագրական բանակը եռօրյա լայնամասշտաբ զորավարժություններ է սկսել Թայվանի շրջակայքում։