Վոլգոգրադում մահացել է փոքրիկ մի տղա, որը թունավորվել էր վրանից գնված ձմերուկից, հայտնում է vesti.ru-ն:

Պապիկը հոկտեմբերի 26-ի երեկոյան ձմերուկ է հյուրասիրել թոռներին, իսկ հաջորդ օրը առավոտյան նրանք կտրուկ վատացել են։

Հինգ տարեկան տղային և նրա 11-ամյա քրոջը հիվանդանոց են տեղափոխել միայն հոկտեմբերի 28-ին, սակայն բժիշկներին չի հաջողվել փրկել տղայի կյանքը։ Աղջկա կյանքին այս պահին վտանգ չի սպառնում։

Նախնական տվյալներով՝ մահը վրա է հասել թունավոր գաստրոէնտերիտի հետևանքով։