Իրանը բալիստիկ հրթիռներ չի մատակարարել Ռուսաստանին․ երկրի ԱԳ նախարար
Իրանի արտաքին գործերի նախարարը հայտարարել է, որ Թեհրանը Ռուսաստանին բալիստիկ հրթիռներ չի մատակարարել։
«Հերթական անգամ Միացյալ Նահանգները և Եվրաեռյակը [E3; Մեծ Բրիտանիա, Գերմանիա և Ֆրանսիա] գործում են թերի հետախուզության և թերի տրամաբանության հիման վրա: Իրանը բալիստիկ հրթիռներ չի մատակարարել Ռուսաստանին։ Վերջակետ։ Պատժամիջոցները լուծում չեն, այլ խնդրի մի մասը»,- նշել է Իրանի նախարար Աբբաս Արաղչին X-ի գրառման մեջ:
Երեքշաբթի օրը Միացյալ Նահանգների պետական քարտուղար Էնթոնի Բլինքենը հայտարարել էր, որ Ռուսաստանը բալիստիկ հրթիռներ է ստացել Իրանից և, ամենայն հավանականությամբ, դրանք կօգտագործի Ուկրաինայում:
Ռուսական կողմն ավելի վաղ հայտարարել էր, որ «տարբեր սպառազինությունների փոխանցման մասին պնդումներն անհիմն են»:
