Հավաքական անվտանգության պայմանագրի կազմակերպության (ՀԱՊԿ) անդամ երկրների պաշտպանության նախարարներն Ալմաթիում ստորագրել են մի շարք փաստաթղթեր՝ զորքերը առաջադեմ սպառազինություններով հագեցնելու և համատեղ վարժանքների վերաբերյալ։ Այս մասին ՏԱՍՍ-ին հայտնել են ՀԱՊԿ քարտուղարության մամուլի ծառայությունից։
«Վերանայվել ու ստորագրվել են փաստաթղթեր ՀԱՊԿ զորքերի բաղադրիչների (Հավաքական զորքերի) սպառազինության և ռազմական տեխնիկայի ժամանակակից ու հեռանկարային մոդելներով զինելու, համատեղ օպերատիվ ու մարտական պատրաստության պլանավորման, ՀԱՊԿ խաղաղապահ զորամիավորումների պատրաստման մեթոդաբանության կատարելագործման վերաբերյալ, նաև անվտանգության պայմանագրի կազմակերպության նպատակային միջպետական ծրագիրն ամրապնդելու տաջիկ-աֆղանական սահմանը և մի շարք այլ ծրագրեր»,- հայտնել է մամուլի ծառայությունը։