Եվրոպական խորհրդի նախագահ Շառլ Միշելն ու Ադրբեջանի նախագահ Իլհամ Ալիևը հեռախոսազրույց են ունեցել, քննարկվել են Հայաստանի հետ հարաբերությունների կարգավորման գործընթացին վերաբերող հարցեր, ՏԱՍՍ-ի հաղորդմամբ՝ հայտնել է Ալիևի մամուի ծառայությունը։
«Հեռախոսազրույցի ընթացքում կողմերը մտքեր են փոխանակել մի շարք հարցերի, այդ թվում՝ հրադադարի պահպանման, կայուն խաղաղության հաստատման, տարածաշրջանում լարվածության նվազեցման, ինչպես նաև Ադրբեջանի և Հայաստանի միջև հարաբերությունների կարգավորման գործընթացի շուրջ», - նշված է հաղորդագրությունում։
Հեռախոսազրույցը Բրյուսելի նախաձեռնությամբ է տեղի ունեցել։