Այսօր՝ հունվարի 29-ին, արտակարգ դեպք է տեղի ունեցել Երևանում։ Ժամը 07։00-ի սահմաններում ՀՀ Ներքին գործերի նախարարության Փրկարար ծառայության 911 ճգնաժամային կառավարման կենտրոն ահազանգ է ստացվել, որ Մալաթիա-Սեբաստիա վարչական շրջանում՝ Սվաճյան փողոցի թիվ 40 շենքի դիմաց, Porsche Cayenne մակնիշի ավտոմեքենա է այրվում։

Ինչպես դեպքի վայրից հայտնում է ֆոտոլրագրող Գագիկ Շամշյանը, հրշեջները մարել են Porsche Cayenne մակնիշի 01 ՍX 110 համարանիշի ավտոմեքենայի շարժիչի հատվածում առաջացած հրդեհը։ 

Ըստ նախնական տեղեկությունների, բարեբախտաբար, տուժածներ չկան։

Ոստիկանությունը պարզում է ավտոմեքենայի սեփականատիրոջ ինքնությունը, ինչպես նաև՝ ինչ հանգամանքներում է ավտոմեքենայում առաջացել կրակը։