Առատ քրտնարտադրության դեմ 4 արդյունավետ մեթոդ
Հիպերհիդրոզը (այդպես են անվանում ավելորդ քրտնարտադրությունը) առավել հաճախ մարդու մոտ առաջանում է բարձր ֆիզիկական ծանրաբեռնվածության կամ օդի բարձր ջերմաստիճանի պատճառով, ինչը այդ դեպքում բավականին բնական երևույթ է: Սակայն հիպերհիդրոզի պատճառները կարող են լինել նաև մի շարք օրգան համակարգերի աշխատանքի խախտումները, ինչպես օրինակ նյարդային, նյութափոխանակության և էնդոկրին:
Հիպերհիդրոզը, որպես կանոն, դրսևորվում է թևատակերում, ձեռքի ափերին ու ոտնաթաթերին՝ առատ քրտնարտադրության տեսքով:
Ինչպես կրճատել քրտնարտադրությունը
1. Քրտնարտադրության դեմ պայքարելու հարցում առաջին տեղը զբաղեցնում են հակաքրտինքային միջոցները: Հայտնի է, որ դեզոդորանտ-հակաքրտինքային միջոցները փակում են քրտնագեղձերին 40 %-ը: Եվ դա հաճախակի օգնում է լիարժեք հաղթահարել տեսանելի քրտնարտադրության խնդիրը: Իսկ եթե անտիպերսպիրանտը չի օգնում, ապա տվյալ դեպքում հարկավոր է մտածել ավելի կտրուկ միջոցների մասին:
2.Ընդհանուր առմաբ հիպերհիդրոզի բուժումը ենթադրում է բնական գործվածքներից հագուստների կրում, քրոնիկ հիվանդություններից ազատվել, բժշկի կողմից նշանակված հանգստացնող դեղամիջոցների ու կալցիումի ընդունում: Ձեռքերի, թևատակերի ու ոտնաթաթերի քրտնարտադրության կրճատման համար, կարելի է մաշկը մշակել ֆորմալինի թույլ լուծույթով և այլն: Ցավոք սրտի այս բոլոր միջոցները երկարատև օգտագործման արդյունքում կարող են դառնալ գրգռվածության ու ալերգիկ մաշկաբորբի պատճառ: Բացի այդ նրանց ազդեցությունը կարճաժամկետ է։
3. Եթե ոչ մի կերպ չեք կարողանում լուծել այդ խնդիրը, ապա կարող եք կիրառել վիրահատական տարբերակը, որի ժամանակ կատարվում է շատ քրտնագեղձեր պարունակող մաշկի հատվածի հեռացում: Սակայն նման միջամտության ժամանակ հաճախակի առաջանում են թևատակերում կոպիտ սպիներ կամ այլ խնդիրներ:
4. Վերջին շրջանում, հիպերհիդրոզի բուժման համար ակտիվորեն օգտագործում են ներանկման դեղամիջոցներ՝ բոտոքս ու դիսպորտ: Այդ միջոցներն արգելակում են մանր նյարդային վերջույթների աշխատանքն ու այդ կերպ խախտում քրտնարտադրության կարգավորումը: Այս մեթոդի ակնհայտ առավելությունը կայանում է մանիպուլյացիայի թեթևության ու անվտանգության մեջ(ընդամենը մի քանի ներարկում և արդյունքը տեսանելի է լինում մի քանի օրից): Նշված դեղամիջոցների ազդեցության տևողությունը պահպանվում է միջինում 3-9 ամիս:
