Չինաստանի իշխանությունները երկրի հարավ-արևմուտքում գտնվող Յունան նահանգի Բաոշան քաղաքի երկրաշարժի գոտուց մոտ 11 հազար մարդու են տարհանել։ Այս մասին չորեքշաբթի հայտնել է Սինցինբաո թերթը՝ վկայակոչելով բնական աղետների կանխարգելման ու հետեւանքների վերացման տեղական շտաբին։
Փրկարարական աշխատանքների համար մոբիլիզացվել է 2,4 հազար մարդ։ Նախնական հաշվարկներով՝ երկրաշարժի հետեւանքով վնասվել է մոտ 2,8 հազար շինություն։
Իրավասու մարմինները շտապ միջոցներ են ձեռնարկել 38 հազար մարդու անվտանգությունն ապահովելու համար։ Նրանց համար ստեղծվել է 34 ժամանակավոր կացարան։
Նախնական տվյալներով՝ երկրաշարժի հետևանքով ոչ ոք չի մահացել։ Երեք հոգի թեթև վնասվածքներ են ստացել և տեղափոխվել մոտակա հիվանդանոց։
Եվրոպական միջերկրածովյան սեյսմոլոգիական կենտրոնի տվյալներով՝ երեքշաբթի 5,3 մագնիտուդով երկրաշարժ է տեղի ունեցել Բաոշան քաղաքից 35 կիլոմետր դեպի հյուսիս-արևելք, որի բնակչությունը կազմում է մոտ 935 հազար մարդ։ Աղբյուրը գտնվում էր 40 կմ խորության վրա։