90 օրից ավելի է, ինչ Արցախը շրջափակման մեջ է, ինչը լրջագույն մարտահրավեր է մեզ համար։ Այդ մասին այսօր հրավիրված մամուլի ասուլիսի ընթացքում ասաց քաղաքագետ Սուրեն Սարգսյանը։
Նրա խոսքով՝ ակնհայտ է, որ Ադրբեջանը չի բավարարվում այն ամենով, ինչ ստացել է դեռ 2020-ի նոյեմբերին։
«Եթե առաջ պնդում էին, որ Արցախը տանք, լավ կապրենք, հիմա ապացուցվում է՝ Արցախը տալով էլ լավ չենք ապրելու։ Հիմա այդ թեզը փլուզվում է»,- ասաց նա։
Ըստ Սուրեն Սարգսյանի՝ այս պահին արտաքին քաղաքականություն գոյություն չունի, վերջին հինգ տարում ընդհանրապես դիվանագիտական ֆրոնտում որևէ ձեռքբերում կամ առաջընթաց չունենք։
«Հիմնականում ձախողումներ ու տապալումներ են։ Անգամ դաշնակից պետությունների հետ հարաբերությունների զարգացում չկա։ Անգամ հայ-ամերիկյան հարաբերությունները, որոնց զարգացման մասին այդքան ակտիվ խոսում են, միայն ամերիկյան օրակարգի շրջանակում են շարունակում ակտիվ մնալ»,- ասաց նա։
Այսինքն՝ երկկողմ օրակարգ մենք ԱՄՆ-ի հետ չունենք։
«ԱՄՆ-ն հակված է կոնֆիլկտների վերացմանը, և դա ակնհայտ է։ Իսկ ՌԴ-ի հետ ռազմավարական հարաբերություններ գոյություն չունեն, դա էլ արդեն պարզ է։ Նաև Չինաստանի հետ հարաբերությունները, որ կարող էին շատ ակտիվ զարգանալ, փլուզվեցին։ Այնինչ, մենք շահերի համադրում կարող էինք ունենալ»,- նկատեց Սարգսյանը։
Մանրամասները՝ տեսանյութում։