Փարաքարի ընդդիմադիր համայնքապետ 41-ամյա Վալոդյա Գրիգորյանի սպանության գործով մեղադրյալ Նարեկ Օհանյանի խափանման միջոցը երկարաձգվել է:
«Վալոդյա Գրիգորյանի սպանության դեպքի առթիվ նախաձեռնված քրեական վարույթի շրջանակում հանրային քրեական հետապնդում հարուցված անձի խափանման միջոցը երկարաձգվել է»,- MediaHub-ի հետ զրույցում ասաց Քննչական կոմիտեի խոսնակ Կիմա Ավդալյանը:
Վալոդյան Գրիգորյանը սպանվել է սեպտեմբերի 23-ին։ Նրա սպանության գործով կա կալանավորված 2 անձ։
Հիշեցնենք, որ սեպտեմբերի 28-ին հարուցվել էր հանրային քրեական հետապնդում՝ սպանությանն օժանդակելու հոդվածի հատկանիշներով։ Օհանյանի նկատմամբ կալանքը որպես խափանման միջոց կիրառելու վերաբերյալ միջնորդություն էր ներկայացվել դատարան, որը բավարարվել էր։