«Հրապարակ» թերթը գրում է.

ԿԳՄՍ նախարար Ժ․ Անդրեասյանը երեկ աշխատանքից ազատել է մասնագիտական կրթության եւ ուսուցման վարչության պետ Արմենուհի Պողոսյանին եւ մասնագիտական կրթության եւ ուսուցման համակարգման բաժնի պետ Կարեն Մանուկյանին, ինչպեսեւ՝ մի շարքային աշխատողի:

Մեր տեղեկություններով, նրանց նկատմամբ ծառայողական քննություն է իրականացվել․ թեման Սպիտակի պետական քոլեջում կրթաթոշակների հետ կապված յուրացումներն են։

Նախարարության մեր աղբյուրներն ասում են, որ սխալ ձեւով են կրթաթոշակները բաժանվել ուսանողներին։

Վարչության պետ Արմենուհի Պողոսյանը մեզ հետ զրույցում չցանկացավ մանրամասնել, թե խոսքը որ ժամանակահատվածին է վերաբերում եւ որքան գումարի մասին է, ասաց միայն, որ վարչությունը մեղավոր չէ․ «Նախարարությունը ոչ մի բան չի արել, առավել եւս՝ միտում չի եղել, վարչությունը մեղավորություն չունի, թերացումը եղել է քոլեջի ներսում»:

Այսինքն՝ ձեր նկատմամբ հանիրավի՞ են ծառայողական քննություն իրականացրել։

«Անհամաչափ»:

Ի դեպ, Պողոսյանը եղել է կրթության նախկին նախարար Արմեն Աշոտյանի երկարամյա օգնականը եւ այդ ժամանակներից է համակարգում: Ոմանք չեն բացառում, որ այս ազատումները եւս նախկինների «քոքը» գերատեսչություններից կտրելու շրջանակում են արվում:

«Ժողովուրդ» օրաթերթը գրել է․

ՀՀ առողջապահության նախկին նախարար Արսեն Թորոսյանը, որին լայն շրջանակներ բնորոշում են որպես «մահվան նախարար», համակարգային կոռուպցիայի մեջ է թաթախված, որը բացահայտել է ՀՀ ֆինանսների նախարարությունը իր` 2021թվականի դեկտեմբերի 9-ին կազմած ակտով:

«Ժողովուրդ» օրաթերթի ձեռքում է հայտնվել այդ վերահսկողության ակտը, որտեղ պարզ գրված է, թե տարբեր դրվագներով ինչպես է ՀՀ առողջապահության նախարարությունը հավելագրումներ արել, պետբյուջեից սահմանվածից շատ գումարներ ծախսել ՔՈՎԻԴ-19-ի բուժման անվան տակ, որոնց մի մասը նախարարությունը պահանջում է վերադարձնել պետբյուջե:

«Ժողովուրդ» օրաթերթը շարունակում է «Վոլգա-Դնեպր» ավիաընկերության կողմից իրականացված չարտերային չվերթների դիմաց վճարված գումարների վերաբերյալ ուսումնասիրության հանրայնացումը, ըստ որի` Չինաստանից Հայաստան են բերվել ավելի մեծ թվով ապրանքներ, քան Հայաստանում մաքսազերծվել եւ բաշխվել են: Դատելով ֆիննախարարության փաստաթղթից` ճանապարհին ապրանքներ են կորել, եւ առողջապահության նախկին նախարար Արսեն Թորոսյանի ղեկավարած գերատեսչությունը հրաժարվել է վերահսկողներին փաստաթղթեր տրամադրելուց։

Ըստ «Վոլգա-Դնեպր» ավիաընկերության հետ 21.12.2020թ. կնքված չարտերի մասին համաձայնագրի` 23.12.2020թ. ՀՀ առողջապահության նախարարության կողմից ավիաընկերությանն է փոխանցվել 144 մլն 120 հազար ՀՀ դրամին համարժեք մոտ 273 հազար ԱՄՆ դոլար: 3 օր անց ավիաընկերության կողմից իրականացվել է չարտերային թռիչք Պեկին-Երեւան ուղերթով, որով, փաստացի, տեղափոխվել են 29,903 կգ բժշկական սարքավորումներ: Ըստ ստուգմանը ներկայացված մաքսային հայտարարագրերի` մաքսազերծվել են 3,906 կգ ընդհանուր քաշով բժշկական պարագաներ (96 թթվածնային կոնցենտրատոր՝ 2,120 կգ, 100,000 COVID-19 ախտորոշման ՊՇՌ թեստ՝ 568 կգ, բժշկական դիմակներ եւ արտահագուստ՝ 578 կգ, 200,000 բամբակյա ծայակալով ձողիկներ՝ 398 կգ, թթվածնի հոսքաչափ ֆլոուամետրով մեխանիկական՝ 242 կգ):

2020թ. դեկտեմբերի 26-ի` «Վոլգա-Դնեպր» ավիաընկերության չարտերային չվերթներով թիվ 412-01516421 ավիաբեռնագրերով ՀՀ տարածք են ներմուծվել նաեւ 538 կգ բրուտտո քաշով սեղմիչի կափարիչ, պուլսօքսիմետր, ID ձեռնաշղթա, մեկ այլ ավիաբեռնագրերով՝ 24,888 կգ բրուտտո քաշով թթվածնային կոնցենտրատորի բաք, սեղմված օդի չորանոց եւ այլ ավիաբեռնագրերով՝ 571 կգ բրուտտո քաշով լազերային խողովակ, 3D տպիչ, նրբատախտակի լազերային կտրիչ: «Նշված բեռների մաքսազերծման, հայտարարագրման, ՀՀ առողջապահության նախարարությանը հանձնման-ընդունման, վերջիններիս բաշխման վերաբերյալ փաստաթղթերը ստուգմանը չեն ներկայացվել», – գրել է ֆինանսների նախարարության վերստուգողը:

Այսպիսով` ֆինանսների նախարարության վերասհկողները արձանագրել են, որ 14.12.2020թ. եւ 26.12.2020թ. իրականացված երկու չարտերային չվերթների համար «Վոլգա-Դնեպր» ավիաընկերությանը վճարվել է 548, 370 ԱՄՆ դոլարին համարժեք 287 մլն 285 հազար ՀՀ դրամ: Ըստ մաքսային հայտարարագրերի` նշված երկու չարտերային չվերթներով տեղափոխվել է «ՀՀ-ում Նոր կորոնավիրուսային վարակի (COVID-19) կանխարգելման, վերահսկման, բուժման եւ այլ համալիր միջոցառումների» իրականացման համար անհրաժեշտ ընդամենը 10,513 կգ (6607+3906) բեռ, այն դեպքում, երբ ըստ թիվ 412-01516421, 412-01516432, 412-01516443 եւ 412-01516373 ավիաբեռնագրերի՝ փաստացի տեղափոխվել են 62,564 կգ (29903+32661) բեռներ, որի արդյունքում «կորոնավիրուսային վարակի կանխարգելման, բուժման եւ այլ համալիր միջոցառումների» իրականացման նպատակով ստացված փողերի հաշվին 239 մլն դրամ ավելի է վճարվել, որը ենթակա է վերականգնման ՀՀ պետական բյուջե:

Այսինքն՝ իրականացրած ավիաչվերթների համար Արսեն Թորոսյանի ղեկավարած նախարարությունը հավելագրում է արել պետբյուջեից մոտ 623 հազար դոլար գումար»։

«Փաստ» օրաթերթը գրում է.

Օրեր առաջ ՀՀ ներքին գործերի նախարար Արփինե Սարգսյանը հանդիպել էր ԵՄ ընդլայնման հարցերով հանձնակատար Մարթա Կոսի հետ։ Ի թիվս այլ հարցերի, քննարկվել է ԵՄ վիզաների ազատականացման «դինամիկ ընթացքը»: Այս ձևակերպումն արդեն նորություն չէ, այն պարբերաբար դաշտ է նետվում ԵՄ տարբեր պաշտոնյաների հետ հայաստանյան պաշտոնյաների հանդիպումներից հետո: Սրան զուգահեռ Նիկոլ Փաշինյանն ու էկոնոմիկայի նախարարը մեծ ոգևորությամբ ազդարարում էին հունգարական ավիափոխադրողի՝ Հայաստանում «բազավորվելու» մասին: Նրանք նաև «աննախադեպ» հաջողություն էին համարում, որ հայաստանցիները էժան ու առանց խոչընդոտ կարող են ճամփորդել: Դե, մոտավորապես՝ «Հռոմում սուրճ խմել»:

Սակայն, մինչ Հայաստանի հասարակության ականջները «շոյում» են նման ձևակերպումներով, գնալով ավելի ու ավելի դժվար է դառնում Շենգենյան վիզա ստանալը:

Ներողություն, բանը նույնիսկ դրան չի հասնում, նույնիսկ « օր (ժամ) վերցնելն» է դարձել անհնար: Ի մասնավորի, օրինակ՝ Իտալիայի, Ֆրանսիայի, Գերմանիայի դեսպանատներն այդ գործառույթը պատվիրակել են Tlscontact-ին: Սա կայն գործընթացը ոչ միայն չի դյուրինացել, այլև գրեթե անհնար է դարձել ինքնուրույն դիմել:

Հասկանալի է՝ դեսպանատների «ընդունելությունն» անսահմանափակ չէ, արդյունքում ամեն օր չէ, որ, այսպես ասած, «օր է բացվում»: Մասնավորաբար, Իտալիայի վիզայի պարագայում դա արվում է շաբաթվա մեջ 2 կամ 3 օր՝ ժա մը 16 -ի ց 18-ն ըն կած ժա մ ա ն ա կ ա հատ վ ա ծում, բայց տևում է հազիվ մի քանի վայրկյան: Մարդիկ պարզապես չեն էլ հասցնում աչքները թարթել, երբ «կանաչ» ժամ այլևս չի լինում: Ավելին, շատերը բողոքում են, որ երբ նույ նիսկ հանդ ի պել են «կանաչ » ժամի ու փորձել են գրանցվել, կա՛մ համակարգը դուրս է գցել, կա՛մ այլ տեխնիկական խնդիր է արձանագրվել, մաս նավորաբար նշվել է, թե «շատ փորձեր» են արել, ինչը քաղաքացիները շատ կասկածել ի են համարում: Ավելին, մենք ուսումնասիրեցինք մի քանի խմբեր, որտեղ մարդիկ քննարկում են այս թեման, ու պարզվեց, որ դժգոհությունները հիմնականում նույնն են: Այստեղ էլ մարդիկ գրում են, որ ահնատ քաղաքացին փաստացի չի կարող հերթագրվել:

Փոխարենը սոցցանցերը լցված են վիզայի աջակցմամբ զբաղվող կազմակերպությունների գովազդներով, որոնցից ոմանք նույնիսկ տալիս են «օր (ժամ) վերցն ե լու» երաշխիք ՝ ուշադրություն... 100 տոկոսով: Միայն «օր (ժամ) վերցնելու» համար գները տատանվում են 40 հազարից 80 հազար դրամի սահմաններում: Թե ինչպես են կարողանում «հերթագրվել», դա արդեն այլ խոսակցության նյութ է: Ոլորտից քաջատեղյակ մարդիկ նշում են, որ սա դարձել է խոշոր բիզնեսի աղբյուր, ու մարդն ինքնուրույն պարզապես չի կարող գրանցվել՝ փաստաթղթերը հանձնելու համար:

Արդյունքում այս ամենը նպաստում է, որ հանրության շրջանում ձևավորվի ծայրահեղ բացասական վերաբերմունք ոչ միայն ԵՄ անդամ երկր ն ե րի դես պ ա նատ ն ե րի, այ լ և հենց բուն երկրների հանդեպ: