CNN-ը հրապարակել է 2024 թվականի ձայնագրություն, որի համաձայն՝ ԱՄՆ նախագահ Դոնալդ Թրամփը սպառնացել է ՌԴ նախագահ Վլադիմիր Պուտինին և Չինաստանի ղեկավար Սի Ծինպինին ռմբակոծել Մոսկվան ու Պեկինը։
Ձայնագրությունն արվել է ԱՄՆ գործող նախագահի նախընտրական քարոզարշավի հովանավորների հետ հանդիպման ժամանակ։
«Ես Պուտինին ասացի՝ «Եթե դու մտնես Ուկրաինա, ես կռմբակոծեմ Մոսկվան։ Ասում եմ քեզ, ես այլընտրանք չեմ ունենա»։ Եվ նա ասաց՝ «Ես քեզ չեմ հավատում»։ Նա ասաց՝ «Ոչ մի դեպքում»։ Եվ ես ասացի՝ «Իհարկե»։ Նա կրկին ասաց՝ «Ես քեզ չեմ հավատում»։ Բայց ճշմարտությունն այն է, որ նա ինձ հավատաց... լավ, 10%-ով։ Ես ձեզ ասացի, նա ինձ 10%-ով հավատաց»,- ասել է Թրամփը։
«Հետո ես հանդիպեցի Չինաստանից Սիի հետ։ Եվ ես նրան նույն բանն ասացի՝ «Եթե դու հարձակվես Թայվանի վրա, ես կռմբակոծեմ Պեկինը»։ Նա կարծում էր, որ ես խելագար եմ։ Նա հարցրեց՝ «Պեկինը՞»։ Ես ասացի՝ «Ես այլընտրանք չունեմ, ես ստիպված կլինեմ ռմբակոծել քեզ։ Մենք կռմբակոծենք Պեկինը»։ Նա նույնպես չէր հավատում դրան, բայց հավատում էր մոտ 10 տոկոսով։ Եվ 10 տոկոսն էլ բավական է։ Անկեղծ ասած, 5 տոկոսը բավարար կլիներ»,- ըստ ձայնագրության՝ ասել է Թրամփը։