Ինչպես հայտնում է MediaHub-ի աղբյուրը՝ քիչ առաջ հրդեհ է բռնկվել Եղեգնաձոր քաղաքի Միկոյան փողոցի թիվ 7 հասցեում գտնվող թիվ 1 մանկապարտեզի 2-րդ հարկում։

Հրդեի բռնկման ժամանակ մանկապարտեզում են եղել երեխաներն ու աշխատակիցները, ովքեր տարհանվել են մինչև հրշեջ-փրկարարների կանչի վայր հասնելը։

Դեպքի վայրում աշխատանքներ են տարել ՀՀ Ներքին գործերի նախարարության փրկարար ծառայության Եղեգնաձորի մարզային փրկարարական վարչության հրշեջ-փրկարարական ջոկատների 2 մարտական հաշվարկ՝ ՄՓՎ պետի գլխավորությամբ։

Ավելի ուշ պարզվել է, որ հրդեհը բռնկվել է էլեկտրական վահանակից, որը մարվել է մինչև հրշեջ-փրկարարների դեպքի վայր հասնելը։