Լոնդոնի քաղաքապետ Սադիկ Խանը հայտարարել է, որ միլիոնավոր բրիտանացիներ այս ձմռանը չեն կարողանա իրենց թույլ տալ ոչ ջեռուցում, ոչ սնունդ, քանի դեռ կառավարությունը միջոցներ չի ձեռնարկել:
«Մենք երբեք նման բան չենք տեսել, մեզ սպասում է մի ձմեռ, երբ միլիոնավոր մարդիկ ընտրություն չեն կատարի ջեռուցման և սննդի միջև և, ցավոք, չեն կարողանա իրենց թույլ տալ երկուսն էլ: Դա չպետք է տեղի ունենա, կառավարությունը պետք է միջամտի, որպեսզի օգնի, որ մարդիկ կարողանան բավարարել իրենց հիմնական կարիքները», - գրել է նա Twitter-ի իր էջում՝ կցելով Bloomberg գործակալության վիճակագրությունը, ըստ որի Մեծ Բրիտանիայում էլեկտրաէներգիայի միջին վճարը կարող է գերազանցել պատմական մակարդակը։
Ուկրաինայում Ռուսաստանի Դաշնության հատուկ գործողության մեկնարկից հետո Արևմուտքը մեծացրել է պատժամիջոցների ճնշումը Ռուսաստանի վրա։ Մատակարարման շղթաների խաթարումը բարձրացրել է վառելիքի, էլեկտրաէներգիայի և սննդամթերքի գները Եվրոպայում և ԱՄՆ-ում: Մեծ Բրիտանիայում ապրելու ծախսերի աճը հարվածել է միլիոնավոր տնային տնտեսությունների: