Հակաբիոտիկների ընդունման կողմնակի ազդեցությունները հաղթահարելու միջոց է հայտնաբերվել
Հակաբիոտիկներով նորածինների աղիքներում մանրէների ոչնչացումը կարող է ապագայում մշտական ալերգիայի և ասթմայի հանգեցնել: Բուտիրատի հավելումները կամ դեղամիջոցները, որոնք ուղղված են հատուկ իմունային բջիջներին, կարող են նվազեցնել դրա վտանգը: Սա ցույց է տվել հետազոտությունը, որը հրապարակվել է Journal of Allergy and Clinical Immunology (JACI) ամսագրում։
Ալերգիայի դեպքում իմունային համակարգը չափից ավելի է արձագանքում անվնաս նյութերին, ներառյալ ծաղկափոշին կամ ընտանի կենդանիների մաշկը: Սա կարող է առաջացնել փռշտոց, քոր կամ այտուց: Վերջին տասնամյակների հետազոտությունները ցույց են տվել աղիքային միկրոբների դերը նորածինների մոտ ալերգիայի առաջացման գործում
Օրինակ, ցույց է տրվել, որ բուտիրատ նյութ արտադրող ավելի քիչ բակտերիաներ ունեցող երեխաների մոտ ալերգիայի հավանականությունն ավելի մեծ է: Ցույց է տրվել նաև, որ բուտիրատի հավելումը վաղ տարիքում կարող է մեղմել ալերգիան: Մկների վրա8 նոր հետազոտության ընթացքում գիտնականները բացահայտել են այս կապի պատճառները: Հեղինակները վերլուծել են աղիքային բակտերիաների տարբեր բաղադրությամբ մկներին: Պարզվել է, որ հակաբիոտիկների ազդեցության պատճառով բուտիրատի անբավարարություն ունեցող անհատների մոտ երկու անգամ ավելի շատ ILC2 իմունային համակարգի բջիջներ են եղել: Այս բջիջները արտադրում էին մոլեկուլներ, որոնք ստիպեցին արյան լեյկոցիտներին ազատել բազմաթիվ հակամարմիններ։ Արդյունքում մկների մոտ ալերգիա է առաջացել։
Գիտնականները նաև ցույց են տվել, որ ձագերի ծնվելուց հետո կարճ ժամանակահատվածում նրանց կարելի է բուտիրատային հավելումներ տալ՝ ապագայում ալերգիայի ռիսկը նվազեցնելու համար: Մարդկանց համար այս ժամանակահատվածը հավասարազոր կլինի մանկության մի քանի ամսվա: Հնարավոր է նաև, որ ILC2 բջիջներին ուղղված դեղամիջոցները կարող են ավելի արդյունավետ կերպով մեղմել կամ կանխարգելել ալերգիան, քան բուտիրատային հավելումները:
