Ընդդիմության նախկին գնահատականները իշխանության նկատմամբ չեն փոփոխվել։ Այս մասին Ազգային ժողովում լրագրողների հետ ճեպազրույցի ժամանակ ասաց «Հայաստան» խմբակցության պատգամավոր Արթուր Խաչատրյանը։
«Մեր դիմումը դատախազություն, որ քննություն իրականացնի և պարզի՝ արդյոք դավաճանություն եղել է, թե՝ ոչ, հետ վերցված չէ»,-նշեց պատգամավորը։
Խաչատրյանի խոսքով՝ ընդդիմությունը պետք է անի ամեն ինչ, որպեսզի այս իշխանությունները օր առաջ հեռանան, պետք է փոփոխություններ լինեն մարտավարության հետ և պետք է բարձրացվի Ազգային Ժողովի ակտիվության մակարդակը։
«Մենք միայն այն նիստերին ենք մասնակցում, որոնք առնչվում են ՀՀ-ի և Արցախի անվտանգությանը և խորհրդարան ենք եկել մեր օրակարգով»,-ասաց ընդդիմադիր պատգամավորը։
Մանրամասները՝ տեսանյութում։