Օդեսայում սպանվել է մի կազմակերպության ղեկավարը, որն անմիջականորեն ներգրավված է եղել քաղաքացիների հարկադիր մոբիլիզացմանը, հայտնում է ուկրաինական Strana.ua հրատարակությունը իր Telegram ալիքում։
Խոսքը սկանդալներով հայտնի գործարար Գենադի Բեյբությանի մասին է։
Նրա դիակը հրազենային վնասվածքներով հայտնաբերվել է հոկտեմբերի 18-ին Ստարոլուստդորֆ ճանապարհին գտնվող մեքենայի մոտ։ Հետաքննությունը դիտարկում է սպանության և ճանապարհին կոնֆլիկտի վարկածները, գրում է UNN-ը։
Երեկ՝ հոկտեմբերի 18-ին, Օդեսայի արվարձանում ճանապարհի եզրին հայտնաբերվել է տղամարդու դի՝ հրազենային վնասվածքներով։
Ըստ ուկրաինական լրատվամիջոցների՝ Գենադի Բեյբությանը «Ավտոտեխ», «Ավտոշլյախ Յուգ» և «Ժիլսերվիս» ընկերությունների սեփականատերն է։ Բացի այդ, նա գլխավորում էր «Լագունա» կոոպերատիվը և «Իրավապահ մարմինների աջակցության բաժին» հասարակական կազմավորումը։
Տեղի հանրային տեղեկատվության համաձայն՝ հենց այս կազմավորումն էր, որ պարեկային ժամի ընթացքում ոստիկանների հետ միասին պարեկում էր քաղաքը և մասնակցում ռեյդերներին՝ փողոցներում ստուգումներ անցկացնելով և մոբիլիզացիայի համար տղամարդկանց բերման ենթարկելով։