Թեյի սնկի վրա հիմնված ըմպելիքը կարող է փոխարինել էներգետիկ ըմպելիքներին, ասել է գաստրոէնտերոլոգ Օլգա Աբանինան։ Նա Ura.ru-ին տված հարցազրույցում առաջարկել է էներգետիկ ըմպելիքների անվտանգ փոխարինում:
Նա նշել է, որ թեյի սնկից պատրաստված կոմբուչա ըմպելիքը բակտերիաների և խմորիչի համադրություն է, որն օգտագործվել է դարեր շարունակ թարմացնող և ծարավը հագեցնող ըմպելիքներ պատրաստելու համար: «Կարելի է խմել և՛ տաք, և՛ սառեցված: Թեյի սնկից պատրաստված ըմպելիքը լավ է հագեցնում ծարավը, հատկապես շոգին, և օգնում է պահպանել տոնուսը»,- ասաց Օլգա Աբանինան:
Միևնույն ժամանակ, նա կոչ է արել թերահավատորեն վերաբերվել կոմբուչայի բազմակողմանի օգուտների մասին պնդումներին: Բժշկի խոսքով՝ կոմբուչայի բուժիչ հատկությունները հաստատող գիտական հետազոտություններ չկան։ Այն ուսումնասիրելուն ուղղված փորձերը, ըստ նրա, չեն բացահայտել ըմպելիքի բուժիչ ազդեցությունը մարդու օրգանիզմի վրա։ «Կոմբուչան պետք է զգուշությամբ օգտագործել սուր բորբոքումների և ստամոքս-աղիքային տրակտի հիվանդությունների սրման դեպքում»,- զգուշացրել է Աբանինան։