Շատերին բնակարանի փոխհատուցում տվել ենք․ նախարարը՝ Բերձորից ու Աղավնոյից տեղահանվածների մասին
Մենք անընդհատ աշխատանքային քննարկումների մեջ ենք, մարդիկ կան, որ արդեն բնակարաններ ստացել են։ Այդ մասին այսօր լրագրողների հետ զրույցում ասաց Աշխատանքի և սոցիալական հարցերի նախարար Նարեկ Մկրտչյանը՝ անդրադառնալով Քաշաթաղի, Աղավոյի ու Ներքին Սուսի բնակիչներին բնակարանային փոխհատուցում տրամադրելուն։
Նրա խոսքով՝ իրենք Արցախից են տվյալներ ստանում, միայն ՀՀ-ից կախված չէ։
«Մենք հանդիպում ենք մեր հայրենակիցներին, ճշգրտումներ ենք անում»,- ասաց նախարարը։
Սակայն նա նշեց, որ այս պահին չի կարող տվյալներ հրապարակել, թե քանի հոգու են բնակարանի փոխհատուցում տրամադրել։
