Այսօր մամուլը գրեց, որ Արցախից պատվիրակություն է մեկնելու ՌԴ՝ արցախահայության խնդիրները Մոսկվայում բարձրաձայնելու և լուծումներ գտնելու նպատակով։
Նշվում էր, որ ՀՀ իշխանությունների հետ հանդիպումից հետո Արցախի պատվիրակությունը վերջնականապես հասկացել է, որ Փաշինյանը հրաժարվում է Արցախից, ուստի միակ հույսը մնում է ՌԴ-ն։ "Ուստի մոտ օրերս Արցախից պատվիրակություն կմեկնի ՌԴ",- ասվում է հրապարակման մեջ և նշվում, որ նաև ՌԴ նախագահի հետ է հանդիպում նախատեսվում։
Արցախի ԱԳՆ-ից այս լուրերը ո՛չ հերքում, ո՛չ էլ հաստատում են։
«Մենք ոչինչ չենք թաքցնում»,- մեզ հետ զրույցում կարճ արձագանքեց Արցախի ԱԳ նախարար Դավիթ Բաբայանը՝ չհստակեցնելով, թե ինչ նկատի ունի, և արդյո՞ք դա նշանակում է, որ այց, այդուհանդերձ, լինելու է։
Նարե Գնունի