«Հույսի ավան» թաղամասի հարևանությամբ բախվել են «Chevrolet Volt»-ը, «Nissan Rogue»-ը և «Opel Zafira»-ն

Այսօր՝ ապրիլի 3-ին, ավտովթար  է տեղի ունեցել Երևանում։ Ժամը 17։00-ի սահմաններում Աշտարակի խճուղում՝ «Հույսի ավան» թաղամասի հարևանությամբ, բախվել են  Երևանի բնակիչներ 36-ամյա Սուսաննա Ա․-ի վարած «Chevrolet Volt», 35-ամյա Օհան Խ․-ի վարած «Opel Zafira» և 25-ամյա Հայկ Մ․-ի վարած «Nissan Rogue» մակնիշի ավտոմեքենաները, ինչի հետևանքով վերջինը բախվել է ճանապարհային երթևեկությունը կարգավորող ցուցանակին և հայտնվել հետիոտնի համար նախատեսված մայթին։

Ինչպես հայտնում է ֆոտոլրագրող Գագիկ Շամշյանը, վթարի հետևանքով, ըստ նախնական տեղեկությունների, բարեբախտաբար տուժածներ չկան։

Վթարի փաստով ՊԾ Երևան քաղաքի գնդի 2-րդ գումարտակում փաստաթղթեր են ձևակերպվում։