Ինչով է օգտակար կվասը․ 3 հատկություն

Գաստրոէնտերոլոգ Եկատերինա Քաշուխը խոսել է մարդկանց համար կվասի օգտակարության մասին։ Մասնագետի խոսքով՝ ըմպելիքը պարունակում է օգտակար նյութեր, որոնք նպաստում են մարմնի բոլոր համակարգերի աշխատանքին։

«Կվասը պարունակում է B1, B2, E, PP վիտամիններ, ինչպես նաև նիկոտինաթթու կամ նիացին: Այս օգտակար նյութերն անհրաժեշտ են սիրտ-անոթային և նյարդային համակարգերի առողջությունը պահպանելու, անոթների փխրունությունը կանխելու համար»,- Gazeta.Ru-ն մեջբերում է Քաշուխի խոսքերը։

1. Օգտակար է մարսողական համակարգի համար

Կվասը հարուստ է պրոբիոտիկներով, որոնք կենսական նշանակություն ունեն մարդկանց համար։ Կվասի մեջ դրանց հիմնական աղբյուրը կաթնաթթվային միկրոօրգանիզմներն են, հիմնականում՝ լակտոբացիլները։ Պրոբիոտիկները օգնում են կանխել մաշկային խնդիրները, քենդիդիոզը, մրսածությունը, գրիպը և մարսողական խանգարումները: Նրանց համար, ովքեր չեն սիրում կաթնամթերք օգտագործել, կվասը կարող է լինել պրոբիոտիկների աղբյուր:

2. Վիտամիններով հարուստ

Կվասը չի կարողանա բավարարել վիտամինների ամենօրյա կարիքը, սակայն այն կդառնա հանքանյութերի և առողջության համար կարևոր այլ տարրերի լրացուցիչ աղբյուր։ Վիտամին B12, սելեն, վիտամին B2, մանգան, թիամին և ֆոլաթթու կվասի մեջ հայտնաբերված տասնյակ սննդանյութերից ընդամենը մի քանիսն են:

3. Պայքարում է շնչառական հիվանդությունների դեմ

Կվասի մեջ պարունակվող պրոբիոտիկները օգնում են ոչ միայն մրսածության դեմ պայքարել, այլ նաև կանխարգելել բուն հիվանդությունը: Որոշ ուսումնասիրություններ ցույց են տվել, որ պրոբիոտիկների ընդունումը հանգեցնում է շնչառական հիվանդությունների տեւողության կրճատմանը