Տարիքային բծերի և պեպենների առաջացումից խուսափելու համար տնային պայմաններում կարող եք օգտագործել ալֆա հիդրօքսի թթուներ պարունակող կոսմետիկա։ Lente.ru-ին ասել է մաշկաբան, կոսմետոլոգ, Corage թերապիայի մասնագետ Վիկտորյա Լուցևիչը։

Լուցևիչի խոսքերով՝ տարիքային բծերը տարածված մաշկաբանական խնդիր են, որին շատ մարդիկ բախվում են աշնանը՝ ամառային արձակուրդից և արևի տակ երկար մնալուց հետո։ Անդրադառնալով իր աշխատանքային փորձին՝ նա նշել է, որ մաշկաբանների պրակտիկայում առավել հաճախ հանդիպում են հետբորբոքային կամ հետվնասվածքային պիգմենտացիան։

Տարիքային բծերի տեղակայման վայրը կարող է շատ տարբեր լինել: Առաջին հերթին դրանք հայտնվում են կտրվածքների, այրվածքների, սպիների հատվածում և մաշկի այն հատվածներում, որտեղ նախկինում կատարվել են վիրահատական ​​միջամտություններ։ Դրանց ձևավորման վրա կարող են ազդել նաև կոսմետիկ պրոցեդուրաները, ինչպիսիք են լազերային վերականգնումը և քիմիական փիլինգը: