«Հրապարակ» թերթը գրում է․

Երեւանի 2023 թվականի բյուջեի եկամտային մասը կանխատեսվում է 105 մլրդ 103,3 մլն դրամի սահմանում։ Որոշման նախագիծն ընդունվեց Երեւանի ավագանու այսօրվա նիստում։

Եկամուտների ընդհանուր ծավալում քաղաքի սեփական եկամուտները կազմում են 38,7 մլրդ դրամ։

Ծախսային մասը կանխատեսվում է 105 մլրդ 535,9 մլն դրամի դեֆիցիտը` 432,6 մլն դրամի սահմանում։

Քաղաքապետարանի աշխատակիցների աշխատավարձի ֆոնդը կկազմի 7,8 մլրդ դրամ։ Պարգեւատրման ֆոնդը կավելանա 61,6 մլն դրամով՝ կազմելով 200 մլն դրամ։

 Երկու բուժհաստատությունների վերանորոգման համար նախատեսվում է հատկացնել ավելի քան 398 մլն դրամ, ճանապարհաշինական աշխատանքների համար՝ ավելի քան 4 մլրդ դրամ։

Տոներին եւ Ամանորին քաղաքը զարդարելու համար՝ 40 մլն դրամ։

Ապօրինի շինությունների քանդման համար կհատկացվի 35 մլն դրամ, ինչը 40 տոկոսով ավելի է, քան 2022 թվականին։