Հրավիրված ասուլիսի ժամանակ այսօր լրագրողը ՀՀ վարչապետ Նիկոլ Փաշինյանին դիմեց՝ նշելով, որ Հայաստանի սուվերեն տարածքի ավելի քան 150 կմ քառակուսին օկուպացված է ադրբեջանական զորքերի կողմից, միջազգային հանրությունը ոչինչ չի անում, որպեսզի տարածքները դեօկուպացվեն, իսկ ՌԴ նախագահը փայփայում է Ալիևի հետ հարաբերությունները և ՀԱՊԿ-ը ևս չի կարող այս հարցը լուծել։
Լրագրողի այն հարցին, թե ինչպես է Փաշինյանը տեսնում այս խնդրի լուծումը, վերջինս պատասխանեց․
«Այդ խնդիրների «միքայլանի» լուծում չեմ պատկերացնում և նաև մեր պատմությունը, փորձը պետք է մեզ ցույց տա, որ պետք չէ անել ափալ-թափալ քայլեր, կներեք այս բառի համար։ Պետք է հետևողական, ռազմավարական մոտեցմամբ գնալ առաջ, մեր պետության շահերն ապահովելու և սպասարկելու համար»։
Ճշտող հարցին՝ հնարավո՞ր է տարներ շարունակ այս իրավիճակը մնա, Փաշինյանը պատասխանեց․
«1994 թվականից ի վեր ՀՀ-ն ունի օկուպացված տարածքներ՝ Արծվաշենը, Պառավաքար գյուղի վարելահողերի 70 տոկոսը, Բերքաբերի ջրամբարի ձախ ափը մինչև Օդնդաղ լեռ, Այգեհովիտ գյուղի տարածքները, Վազաշենի տարածքները ևս այլն»։
Մանրամասները՝ տեսանյութում։