Նախագահ Ռեջեփ Թայիփ Էրդողանը մայիսի 14-ի ընտրություններից հետո CNN TÜRK-ի եթերում առաջին անգամ պատասխանել է հարցին, թե ով է եղել երեխան, որին ընտրությունների ընթացքում հարվածել է, այս մասին հաղորդում է Mediahub.am-ը։

Հայտարարություն անելով այն պնդման առնչությամբ, թե ինքը «ապտակել է երեխային» Էրդողանն ասել է.

«Ես այնտեղ շոյում եմ նրա այտը: Սա ապատեղեկատվություն է, դա սուտ է»:

Նախագահ Էրդողանը, ով մ կիրակի օրը կայացած ընտրություններում գնացել էր Ուսքյուդարի Սաֆեթ Չեբի միջնակարգ դպրոց, հերթ է կանգնել քվեարկելու համար։ Ընտրողը, ով նկատել է իր հետևում սպասող նախագահին, ցնցվել է՝ տեսնելով, թե ինչպես է նա ապտակում երեխային։ Նկարագրելով թե՛ այնտեղի երկխոսությունը, թե՛ այն պահերը, երբ նա շոյում էր թոռան՝ Ալի Թահիրի այտը, Էրդողանն ասել է.

«Այնտեղ երիտասարդն ասաց՝ գնա, ես էլ ասացի՝ քո հերթն է, թոռս կողքիս էր, ես ընդամենը շոյում էի նրա այտը։ Հայտնի թերթերից մեկը գրել էր, որ «խփել եմ տղայի այտին»։ Նա իմ թոռնիկն է, ով այդ պահին ասաց՝ պապիկ ես էլ գամ, ասացի՝ արի տղաս։ Ես էլ հետս տարա և այնտեղ շոյեցի նրա այտը»,- եզրափակել է Թուրքիայի նախագահը։

Ավելի վաղ հայտնել էինք, որ Էրդողանը քվեարկությունից առաջ՝ ընտրատեղամասում, ապտակել է երեխայի, ինչն էլ բուռն քննարկումների թեմա էր դարձել Twitter-ում: 

Տեսանյութը՝ այստեղ