ՀՀ Կառավարությունից հայտնում են, որ փոխվարչապետ Մհեր Գրիգորյանն ընդունել է Կորեայի Հանրապետության Ազգային ժողովի Կորեա-Հայաստան բարեկամական խմբի ղեկավար Կիհուն Սոնի գլխավորած պատվիրակությանը: Հանդիպմանը ներկա է եղել նաև ՀՀ ԱԺ Հայաստան-Կորեայի Հանրապետություն բարեկամական խմբի ղեկավար Ծովինար Վարդանյանը:
Ողջունելով հյուրերին՝ փոխվարչապետ Մհեր Գրիգորյանը կարևորել է երկու երկրների միջև համագործակցության զարգացումը և երկկողմ հարաբերությունների զարգացման տեսանկյունից մեծապես կարևորել խորհրդարանների միջև համագործակցությունը:
Երկուստեք նշվել է առևտրատնտեսական հարաբերությունների զարգացման ուղղությամբ համատեղ ջանքերի գործադրման կարևորությունը, և քննարկվել են փոխշահավետ համագործակցության հնարավոր ուղղությունները: