Թուրքիայի նախագահ Ռեջեփ Թայիփ Էրդողանը Ֆրանսիայի նախագահ Էմանուել Մակրոնի հետ հեռախոսազրույց է ունեցել, քննարկել է տարածաշրջանային ու գլոբալ հարցեր։
Հայտնել է Թուրքիայի նախագահի աշխատակազմը, գրել է ԶԼՄ-ներից մեկը։
Զրույցի ընթացքում կողմերը քննարկել են Թուրքիայի և Ֆրանսիայի միջև երկկողմ հարաբերությունները, նաև տարածաշրջանային և գլոբալ օրակարգի հարցեր։
Էրդողանն ընդգծել է Սիրիայի տարածքային ամբողջականության և ինքնիշխանության պաշտպանության կարևորությունը և գոհունակություն հայտնել այս երկրում Ֆրանսիայի դեսպանության աշխատանքի վերսկսման կապակցությամբ։
Տեղեկատվության համաձայն՝ Թուրքիայի ղեկավարը նշել է նաև Սիրիայի վերականգնման գործում միջազգային հանրության համատեղ ջանքերի կարևորությունը, ինչը կնպաստի սիրիացի փախստականների արագ վերադարձին իրենց հողերը։