Դրամի փոխարժեքը՝ այսօր
Եղանակը՝ այսօր
Միջազգային

Հրապարակվել է Սանկտ Պետերբուրգում գործարար Ալիևի սպանության տեսանյութը

Blog Image

Հրապարակվել է Սանկտ Պետերբուրգում գործարար, «Մոնոլիտ» շինարարական ընկերության գլխավոր տնօրեն Վիկտոր Ալիեւի սպանության տեսանյութը. գրում է 78.ru-ն։

Տեսանյութում գործարարը դուրս է գալիս մեքենայից և նայում շուրջը։ Այդ պահին նրա մոտ վազում է մի տղամարդ և մի քանի կրակոց է արձակում ու փախչում։ Գործարարը ստացած վնասվածքներից տեղում մահացել է։

Ավելի վաղ, հունիսի 5-ի առավոտյան, Գլուխարսկայա փողոցի 12 հասցեում գտնվող շինհրապարակում հայտնաբերվել էր 47-ամյա տղամարդու դի՝ հրազենային վնասվածքներով։ Այդ պահին հաստատությունում նախատեսված էր ընկերության ղեկավարության հանդիպումը: 

Ռուսաստանի Քննչական կոմիտեի նախագահ Ալեքսանդր Բաստրիկինը հանձնարարել է զեկուցել քրեական գործի հետաքննության ընթացքի և հանցագործության բացահայտման ուղղությամբ ձեռնարկված միջոցառումների մասին։

Սպանված գործարարի կինը հրավիրվել է Քննչական կոմիտե։ Նա հարցաքննվել է սպանված ամուսնու կապերի, ինչպես նաև հնարավոր սպառնալիքների մասին, որոնք նախկինում կարող էին հնչեցնել գործարար գործընկերները։ 

Տեսանյութը՝ այստեղ

Send