Բրիտանական Գլոսթերշիր կոմսությունում ավտոբուսի ուղևորը հարձակվել է ընկերների հետ ճամփորդող ուսանողուհու վրա և համարյա կծել նրա շրթունքն ու քիթը։ Այս մասին հայտնում է Metro-ն։

19-ամյա Էլլա Դոուլինգը հասարակական տրանսպորտով տուն վերադառնալիս է եղել, երբ ուղևորներից մեկը սկսել է անպատշաճ արտահայտություններ անել աղջկա հասցեին։ Այնուհետև տղամարդը վազել է նրա ուղությամբ, բռնել գլուխը և սկսեց կծել նրա դեմքը:

Ուսանողին ընկերները փրկել են, իսկ արյունոտ աղջկան տեղափոխել են Չելթենհեմի հիվանդանոց։ Տուժածը շուրջ 50 կար է ստացել շուրթերին, այտերին և քթին։ Հարձակվողի ինքնությունը պարզվել է, նա 53-ամյա Դարեն Թեյլորն է, ով իրեն մեղավոր է ճանաչել։

Աղջիկը ստիպված է եղել մի քանի վիրահատության ենթարկվել ու մինչ օրս վախենում է հասարակական տրանսպորտից օգտվել։ Հարձակվողի դրդապատճառներն անհայտ են։