Մարտունակության, էֆեկտիվության տեսանկյունից մեծ թերություն ենք ունեցել։ Ազնիվ պատասխանում եմ։ 44 օրը երևի միայն անհրաժեշտ կլիներ ներդաշնակումը իրականացնելու համար։ Այս մասին այսօր 44-օրյա պատերազմի հանգամանքները քննող հանձնաժողովի նիստի ընթացքում ասաց Պաշտպանության նախկին նախարար Դավիթ Տոնոյանը։
«Մենք, իհարկե, ունեցել ենք հիանալի զորահավաքային ռեսուրսի զորակոչված անձնակազմ և հիանալի վիճակում տեխնիկական միջոցներ, բայց դա չի նշանակում, որ քանակն այնքան էր, որ կարող էր որակ տալ կամ բեկում մտցնել ռազմական գործողությունների ժամանակ»,-ասաց Տոնոյանը։
Նախագահող Անդրանիկ Քոչարյանը նշեց, որ այս հանձնաժողովում բոլորը պետք է ասեն այն, ինչ գիտեն։
«Ես փորձում ազնիվ լինել»,-ասաց Տոնոյանը։
«Փորձո՞ւմ»,-արձագանքեց Քոչարյանը։
«Չգիտեմ»,-պատասխանեց նախկին նախարարը։
Մանրամասները՝ տեսանյութում