Իսրայելական բանակը կրկին գրոհել է Գազայի հատվածի վրա. Այս մասին հայտնում են բանակի մամուլի ծառայությունից, փոխանցում է ՏԱՍՍ-ը։
«Ներկայումս Իսրայելի պաշտպանության բանակը գրոհում է Գազայի հատվածը, մանրամասները կհետևեն»,- ասվում է բանակի թվիթերյան էջում տեղադրված հաղորդագրության մեջ։ Ի
Իսրայելի հյուսիսում իրավիճակի սրումը սկսվել է Գազայի հատվածին հարող երկրի հարավային շրջաններում լարվածության սրման ֆոնին, որտեղից երկու օր անընդմեջ պաղեստինյան արմատականները հրթիռակոծել են Իսրայելի տարածքը։ Միևնույն ժամանակ լարվածությունն աճում է Երուսաղեմում Տաճարի լեռան շուրջ, որտեղ արդեն մի քանի անգամ բախումներ են տեղի ունեցել պաղեստինցիների և Իսրայելի անվտանգության ուժերի միջև։
Նշվում է, որ իսրայելական բանակը ուրբաթ գիշեր ավիահարվածներ է հասցրել Լիբանանի հարավում գտնվող արմատական ՀԱՄԱՍ կազմակերպության ենթակառուցվածքային օբյեկտներին։ Այս մասին հայտնում են բանակի մամուլի ծառայությունից։ «Իսրայելի պաշտպանության բանակը հարվածներ է հասցրել Լիբանանի հարավում գտնվող թիրախներին, այդ թվում՝ ՀԱՄԱՍ-ին պատկանող ահաբեկչական ենթակառուցվածքին», - գրել է Իսրայելի պաշտպանության բանակը Twitter-ի իր էջում։