Ես չեմ կարծում, որ նրանց կհաջողվի Արցախը թողնել Ադրբեջանի կազմում։ Այդ մասին այսօր Ազատության հրապարակում ասաց ՀՀ երրորդ նախագահ Սերժ Սարգսյանը՝ անդրադառնալով Փաշինյան-Ալիև հանդիպմանն ու Ադրբեջանի ներկայացրած հինգ կետերին։
Նա նշեց, որ Հայաստանն ու հայ ժողովուրդը միշտ կանգնած են Արցախի կողքին։ Հարցին, թե ի՞նչ կարող է քննարկվել վաղվա հանդիպմանը, Սերժ Սարգսյանը պատասխանեց, որ չի կարող ենթադրություններով խոսել։
«Չեմ կարծում, որ վաղը երկրորդ փաստաթուղթը կստորագրվի»,- ասաց նա։
Դիտարկմանը, որ իրենց իշխանությանն էլ են մեղադրել Արցախը հանձնելու վերաբերյալ բանակցություններում, ասում էին, որ այդ իշխանությունն էլ էր Արցախն ուզում հանձնել, Սերժ Սարգսյանն արձագանքեց՝ ասողը ղալաթ է անում, ինքը հանձնելու մասին որևէ բան չի բանակցել։
Մանրամասները՝ տեսանյութում։