Լոռու մարզում, այսօր` նոյեմբերի 20-ին, ժամը 09։30-ի սահմաններում ՌԴ քաղաքացի՝ 57-ամյա Վալերի Զոլոևը իր վարած DAF մակնիշի հեղուկ գազով կցորդիչով ավտոմեքենայով Վանաձոր-Ալավերդի ավտոճանապարհի 10 կմ հատվածում դուրս է եկել երթևեկելի գոտուց և կողաշրջվել։

Shamshyan.com-ի հաղորդմամբ, վթարի հետևանքով Վ. Զոլոևը տեղափոխվել է «Վանաձոր» ԲԿ։ Նրան առաջինը օգնության են հասել քաղաքացիներն ու Վանաձորի հիվանդանոցի բժիշկների հերթապահ խումբը, որը նախ տեղում առաջին բուժօգնություն են ցուցաբերել, ապա տեղափոխել հիվանդանոց։

Կայքի տեղեկություններով՝ վարորդը ենթարկվել է սթափության  փորձաքննության. նա եղել է ոչ սթափ։