«Ազատությո՛ւն Լը Պենին». Մասկն ու Թրամփն աջակցել են ֆրանսիացի ընդդիմադիր գործչին
«Ազատությո՛ւն Լը Պենին». Իլոն Մասկն աջակցել է ԱՄՆ նախագահ Դոնալդ Թրամփի՝ ֆրանսիացի ընդդիմադիր քաղաքական գործչին ազատ արձակելու կոչին։
Ավելի վաղ ԱՄՆ նախագահը «Ազգային ճակատ» կուսակցության առաջնորդ Մարին Լը Պենին դատավճիռն անվանել էր «վհուկների որս»։
Փարիզի դատարանը եվրոպացի պատգամավորների օգնականների համար ֆիկտիվ աշխատատեղեր ստեղծելու գործով Լը Պենին արգելել է հինգ տարով մասնակցել ընտրություններին։ Նա նաև չորս տարի սահմանափակ ազատություն է ստացել, որից երկուսը՝ էլեկտրոնային ապարանջանով։
Թրամփի կարծիքով՝ Լը Պենը տեղյակ չի եղել ենթադրյալ յուրացման մասին՝ այն անվանելով «հաշվապահական սխալ»: Նա ընդգծել է, որ դատավճռի հետևանքները դուրս են գալիս մեկ կուսակցության սահմաններից։
«Սա վատ է Ֆրանսիայի և ֆրանսիացի մեծ ժողովրդի համար՝ անկախ քաղաքական նախասիրություններից: Ազատությո՛ւն Մարին Լը Պենին»,- գրել է ԱՄՆ նախագահը։
