Միացյալ Նահանգների Վիսքոնսին նահանգից մի ամերիկուհի սրտի կանգ է ունեցել ու միստիկ տեսիլքների պատճառով սկսել է հավատալ մահից հետո կյանքին։ Հայտնել է news.com.au-ն։

Ջեյդ անունով մի աղջիկ կիսվել է անսովոր փորձով TikTok-ում իր հետևորդների հետ։

Նրա խոսքով՝ դա տեղի է ունեցել 2011 թվականի ամռանը իր հայրենի Գրին Բեյ քաղաքում։ Շատ շոգ էր՝ բարձր խոնավությամբ։ Ջեյդն ասել է, որ սարսափելի սրտխառնոց է զգացել: «Գլուխս կարծես ուռել էր, և մարմինս սկսեց փոքրանալ։ Եվ հետո ամեն ինչ մթնեց»,- ասել է Ջեյդը:

Նրա ընկերները շտապօգնություն են կանչել, և նա շուտով հայտնվել է հիվանդանոցում: Աղջկա սիրտը կանգ է առել, սակայն երեք րոպե անց բժիշկները կարողացել են նրան վերակենդանացնել՝ օգտագործելով դեֆիբրիլյատոր։

Ըստ Ջեյդի՝ երեք րոպե «մյուս կողմից» նա տեսել է միայն մթություն, սև: Տարօրինակությունը սկսվել է ավելի ուշ, երբ նա սկսել է նկատել «անոմալիաներ»։ Օրինակ, ժամացույցը դադարել է աշխատել այն պահին, երբ նա հագցրել է թևին, և էլեկտրոնային սիգարետը նրա ձեռքում միշտ ցույց է տվել, որ այն լիցքավորված չէ:

«Ուրիշ սարսափելի բաներ պատահեցին, և ես սկսեցի լսել և տեսնել բաներ, որոնք գոյություն չունեին: Երբեմն դա շշուկներ էին կամ մուգ լղոզված կերպարներ: Ես տեսախցիկ տեղադրեցի տանը, քանի որ մտածում էի, որ սկսում եմ խելագարվել։ Բայց հիմա հավատում եմ, որ սա ինձ հասկացնելու միջոց է, որ երկրային գոյության շեմից այն կողմ կյանք կա»,- ասել է Ջեյդն իր տեսանյութում։

Այս փորձը ստիպել է աղջկան վերանայել իր վերաբերմունքը մահվան նկատմամբ։

Նրա խոսքով՝ այն պահին, երբ իր սիրտը կանգ է առել, նա զգացել է «զրոյական վախ»։ Ջեյդը եկել է այն եզրակացության, որ վախն իսկապես ավելի վատ է, քան այն, ինչից մարդը վախենում է, և այժմ նա չի վախենում այն ​​ամենից, ինչն անխուսափելիորեն սպասում է բոլորին կյանքի վերջում։