Կուբայի Մատանզաս գավառի նավահանգստի նավթի պահեստում մեկ օրից ավելի է՝ չեն կարողանում մեկուսացնել կայծակի պատճառով առաջացած հրդեհը։ Կատաղած կրակը ֆիքսվել է տեսանյութում, այն հրապարակել է «Moscow Speaks» Telegram ալիքը։

Նավթի պահեստի տարածքում կայծակը հարվածել է մոտ 25000 խմ նավթ պարունակող տանկի գմբեթին։ РИА Новости-ի փոխանցմամբ՝ ավելի քան 120 մարդ վիրավորվել է, 17-ը անհետ կորել է։

Օգոստոսի 6-ին Կուբայի իշխանությունները միջազգային օգնություն են խնդրել նավթի պահեստում բռնկված հրդեհը մարելու համար։ Օգնության համար կղզում արդեն վայրէջք է կատարել Մեքսիկայի ռազմաօդային ուժերի ինքնաթիռը։