Վիրավորներից երեքը տարբեր մարմնական վնասվածքներով արդեն տեղափոխվել են «Մուրացանի» զինվորական հոսպիտալ, մյուս զինծառայողը դեռ շարունակում է մնալ Սիսիանի զինվորական հոսպիտալում, նրան ևս օրվա ընթացքում կտեղափոխեն Երևան: Այս մասին MediaHub.am-ին հայտնեցին Սիսիանի զինվորական հոսպիտալից:

Այնտեղից նշեցին նաև, որ զինծառայողների կյանքին վտանգ չի սպառնում, թեթև տրավմաներ են։

ՊՆ-ից MediaHub․am-ին հայտնեցին, որ վթարի հետևանքով մահացած պայմանագրային զինծառայողի վերաբերյալ քիչ անց ՊԲ-ը հաղորդագրություն կտարածի։

Մանրամասները՝ ավելի ուշ:

Հիշեցնենք, որ երեկ Խոշոր ու ողբերգական ավտովթար է տեղի ունեցել Սյունիքի մարզում։

Երևան-Մեղրի ավտոճանապարհի Ծղուկ գյուղի վարչական տարածքում դեռևս անհայտ հանգամանքներում բախվել են Mercedes մակնիշի ավտոմեքենան և ՀՀ ՊՆ համարանիշներով КамАЗ-ը:

Մերի Գևորգյան