Ռուսաստանի եռակի չեմպիոն Ալան Ձագոևն ավարտել է կարիերան

Ռուս ֆուտբոլիստ Ալան Ձագոևը հայտարարել է մարզական կարիերան ավարտելու մասին։ Այս մասին հաղորդում է հունական «Լամիայի» մամուլի ծառայությունը, որի կազմում Ձագոևը հանդես է եկել 2023 թվականի սեպտեմբերի վերջից։

Ձագոևն ասել է, որ որոշել է ավարտել պրոֆեսիոնալ ֆուտբոլիստի կարիերան հունական ակումբի կազմում իր առաջին երկու խաղերից հետո ազդրի վնասվածք ստանալուց հետո:

Նա հայտարարել է, որ իրեն թույլ են տվել ապաքինվել, սակայն ընդհանուր խումբ մտնելուց առաջ ձգվել է ձախ սրունքի մկանը։ «Վերջին հինգ տարիների ընթացքում ես շատ կապտուկներ եմ ունեցել, ինչի պատճառով էլ այս որոշումը կայացրել եմ հանկարծակի: Հետո որոշեցի՝ բավական է: Դժվար է դառնում թե՛ բարոյապես, թե՛ ֆիզիկապես»,- ռուսաստանցի ֆուտբոլիստի խոսքերն է մեջբերել ակումբի մամուլի ծառայությունը։

33-ամյա Ձագոևը Մոսկվայի ԲԿՄԱ-ի կազմում Ռուսաստանի եռակի չեմպիոն է։ Ռուսական ակումբի հետ նա դարձել է նաև Ռուսաստանի գավաթի քառակի հաղթող, Ռուսաստանի սուպերգավաթի քառակի հաղթող։

Ձագոևը ՌԴ սպորտի վաստակավոր վարպետ է։ Նա 9 անգամ ընդգրկվել է Ռուսաստանի առաջնության 33 լավագույն ֆուտբոլիստների ցուցակում։

2008-ից 2018 թվականներին Ձագոևը հանդես է եկել Ռուսաստանի հավաքականում։ Նա մասնակցել է 2012 թվականի Եվրոպայի, 2014 և 2018 թվականների աշխարհի առաջնություններին։