Առաջարկում ենք արգելել փոքր Կենտրոնում սննդամթերքի, խաղալիքների և կենդանիների վաճառքը։ Այդ մասին այսօր կառավարության նիստից հետո լրագրողների հետ զրույցում ասաց Երևանի քաղաքապետ Հրաչյա Սարգսյանը։
Նրա խոսքով՝ չսահմանված վայրերում առևտուր անելու դեպքում կազմվելու է արձանագրություն, և դրանից հետո վարչական պատասխանատվություն է նախատեսվում։ «Դրանից հետո վաճառվող ապրանքը քաղաքապետարանի կողմից կառգրավվի»,- ներկայացրեց Երևանի քաղաքապետը։
Հրաչյա Սարգսյանը նշեց, որ օրինակ, Մաշտոցի պողոտայում այժմ ձուկ է վաճառվում, իսկ Երևանում օդն այս օրերին աղտոտված է, և պայմանական այդ ամբողջ փոշին սննդի վրա է նստում։ «Դրանից հետո էլ արդեն առողջական խնդիրներ են առաջանում»,- ասաց Երևանի քաղաքապետը։ Հրաչյա Սարգսյանի դիտարկմամբ՝ այս անգամ օրենքը կաշխատի, քանի որ ապրքանը առգրավվելու է։
«Մենք ապրանքը բռնագրավվելու ենք ու դիմելու ենք դատարան։ Իսկ սննդի պարագայում վիճակը փոքր-ինչ այլ է, այն վերացվելու է, քանի որ պահվել է հակահիգիենիկ պայմաններում»,- նշեց Սարգսյանը։
Իսկ եթե պարզվի, որ վաճառողը ճիշտ էր, ապա քաղաքապետարանը ֆինանսական փոխհատուցում կտրամադրի։
Մանրամասները՝ տեսանյութում։