MediaHub-ի տեղեկություններով՝ հաջորդ շաբաթ Երևանի քաղաքապետարանում ավագանու արտահերթ նիստ է հրավիրվելու, օրը դեռ հստակ չէ։
Արտահերթ նիստը հերթական նիստից մոտ մեկ ամիս առաջ է լինելու:
MediaHub-ը հետաքրքրվեց, թե ինչ որոշում ունի Հայկ Մարությանի գլխավորած «Ազգային առաջընթաց» խմբակցությունը։
Ավագանու անդամ Հայկ Գրիգորյանը նշեց, որ հավանաբար նիստին մասնակցելու են, սակայն Հայկ Մարությանի որոշման մասին տեղյակ չէ։
Ըստ էության, արդեն խմբակցության ղեկավար Հայկ Մարությանը միշտ նիստերին չներկայանալ չի կարող, բայց նույն ժամանակ էլ մանդատը վայր դնելու մասին ոչինչ չի ասել։
Իսկ «Մայր Հայաստան» խմբակցության ավագանու անդամ Զարուհի Փոստանջյանն էլ MediaHub-ին ասաց՝ խմբակցությունը, ինչպես որոշի, այդպես էլ կանեն։
Կարելի է ենթադրել, որ Թևանյանն էլ հստակ որոշում չունի ներկայանալու մասով։
Հիշեցնենք, որ հոկտեմբերի 10-ին ձայների 32 կողմ, 5 դեմ հարաբերակցությամբ իշխող կուսակցության թեկնածու Տիգրան Ավինյանն ընտրվեց Երևանի քաղաքապետ։
«Հանրային ձայն»-ն ու «Հանրապետություն»-ը իրենց 13 մանդատով անհրաժեշտ քվորումն ապահովեցին, իսկ Հայկ Մարությանի գլխավորած «Ազգային առաջընաց» խմբակցությունն ու Անդրանիկ Թևանյանի գլխավորած «Մայր Հայաստան» դաշինքը նիստը բոյկոտեցին, որը, սակայն, ոչինչ չփոխեց։
Նշենք, որ Երևանի ավագանու հաջորդ նիստը տեղի կունենա նոյեմբերի 21-ին:
Լիաննա Թորոսյան