McDonald's արագ սննդի ցանցի ճապոնական ստորաբաժանումը ներկայացրել է կարտոֆիլի բույրով օծանելիք։ Համապատասխան հաղորդագրությունը հայտնվել է ընկերության՝ X սոցիալական ցանցի էջում։

«Մենք թողարկեցինք օծանելիք, որից կարտոֆիլ ֆրիի բույր է գալիս: Վերցրեք այն ժամադրության՝ հաղթող լինելու համար»,- ասվում է գրառման մեջ։

Բացի տապակած կարտոֆիլի դասական բույրից, վաճառքում կհայտնվեն ճապոնական ավանդական համեմունքներով՝ ումեբոշիի, սխտորի, սև պղպեղի և մայոնեզի օծանելիքներ: