Էներգետիկայի զարգացման ուղղությամբ բազմաթիվ աշխատանքներ են տարվում։ Այդ մասին այսօր լրագրողների հետ զրույցում ասաց ՏԿԵ նախարար Գնել Սանոսյանը։
Նրա խոսքով՝ այս ուղղությամբ երկու մեծ աշխատանք է տարվում՝ մեկը ՀԱԷԿ-ի ուղղությամբ, մյուսը՝ վերականգնվող էներգետիկայի։
«Վերականգնվող էներգիայի առումով մենք ունենք ռազմավարություն, ըստ որի՝ 2030-ին արևային էներգիայի բաժինը պիտի հասցնենք 15%-ի»,- ասաց նա։
MediaHub.am-ի հարցին, թե Արցախի կորստից հետո էներգետիկ առումով մենք շա՞տ մեծ վնաս ենք կրել, Գնել Սանոսյանը պատասխանեց, որ համակարգում որոշակի փոփոխություններ են եղել և՛ ներմուծման, և՛ արտահանման հետ կապված, բայց ընդհանուր առմամբ, «մեր երկրի էներգետիկ համակարգում առկա արտադրող կայանները ոչ միայն մեր ներքին պահանջարկն են բավարարում, այլ նաև՝ արտահանում ենք»։
«Մեր երկրում առկա էներգետիկ համակարգի կայաններն ավելին կարող են արտադրել, քան մեր ունեցած պահանջարկն է»,- նշեց նա։
Մանրամասները՝ տեսանյութում։