Քաղաքական իրադարձությունների առումով իրավիճակը Հայաստանում, կարծես, պասիվացավ:

Սակայն արդյո՞ք պետք չէ սպասել զարգացումների ամռան այս օրերին. MediaHub-ն անցկացրեց հերթական հարցումն իր ընթերցողների շրջանում:   

Հարցրել էինք՝ «Ձեր կարծիքով՝ քաղաքական իրադարձությունների առումով հանգիստ ամառ է սպասվո՞ւմ, թե՞ զարգացումներ կլինեն»: Նյութը պատրաստելու պահին հարցմանը մասնակցել է ավելի քան 5000 մարդ:

Հարցմանը մասնակցածների 45%-ն ընտրել է «Այո, հանգիստ ամառ է» տարբերակը, «Ոչ, զարգացումներ անպայման կլինեն» տարբերակի օգտին քվեարկել է հարցվածների 22%-ը:
16%-ն ընտրել է «Բագրատ Սրբազանը հնարավոր է ակտիվացնի» տարբերակը: Հարցմանը մասնակցածների 3%-ն ընտրել է « Ո՞վ պիտի ակտիվացնի կամ ո՞ւմ է պետք» տարբերակը, իսկ 15%-ը՝ «Թողեք, հանգիստ ապրենք» պատասխանը:

Մեկնաբանություններում գերակշռում է այն կարծիքը, թե՝ սպասենք աշնանը. «Ամառը հանգիստ է, բայց աշունը երևի չէ»:

Մեկնաբանություններում մարդիկ նաև բողոքում են՝« վեց տարի է արդեն՝ ՀՀ-ում չկա հանգիստ կյանք»:

Ահա մի քանի մեկնաբանություն, որ թողել են մեր ընթերցողները`

«Ինչպես կարելի է հանգիստ ապրել, երբ ամեն ինչ կայուն չէ ու անորոշություն է տիրում»։
«Առայժմ հանգիստ ա, բայց կախված Ալիևի օրեցօր բացվող ախորժակից՝ աշնանը կտեսնենք»։ 
«Հուսով եմ, որ գոնե մինչև աշուն, փաշօղլին «դեպորտ» կլինի իր`ապօրինի զավթած «աթոռից»»:
«Հանգիստ  կապրի էն ազգը, որը ճշտի մեջ է, ստերով սարքած ամեն ինչ քանդվում է, հատկապես Պետությունը. ստի  ոտքը կարճ է»։
«Նիկոլը կթողնի՞, որ մենք հանգիստ ապրենք»։

Վիկա Աբգարյան